Kirografia

Astelehenean hasi zen Euskal Herriko itzulia eta a ze etapa, Contador dena ematera datorrela erakutsi zuen herenegun. Hala ere, faboritoen artean badira Cadel Evans, Davide Rebellin edo beste izen garrantzitsu batzuk ere. Euskaldunen artean ezagunenak Igor Anton, Mikel Astarloza eta David Herrero dira eta Itzulia hasi aurretik adierazi zuen bezala lehengo urteko irabazlea, hau da, Juan Jose Cobo ez da etorri.

Lehen etapa Legazpin hasi eta bukatzen zen eta 6km falta zirela deskargako igoeran Ezequiel Mosquerak aurre hartu zien beste guztiei, baina Alberto Contadorrek ihes egin, Mosquera harrapatu eta etapa irabazi zuen. Etapa bukatu ondoren adierazi zuen bezala, badirudi Tourra korritzen ez diotela utziko eta nahiago duela zihur korrituko dituen itzulietan pentsatu.

Beraz, garbi dago, irabaztera datorrela eta etapa guztietan saiatuko dela.


Alberto Contador Velasco Pinton (Madril) jaio zen 1982ko abenduaren 6an. Txirrindulari espainiar honek, 2007ko Frantziako Tourra irabazi zuen 24 urterekin.

1998an, kadete mailan hasi zen bere hiriko talde batean. 19 urterekin egin zuen debuta profesional mailan, Once Eroski taldearekin, urte batzuk Ordizian pasa zituelarik Oianguko ostatatuan.

Bere bizitzako momenturik gogorrenak dudarik gabe, 2004ean bizi izan zituen, Asturiasko itzulian parte hartzen ari zela, burmuinean kabernoma bat jasan zuen.

Nahiz eta 2006ean Liberty Seguros taldearekin, “Operacion Puertoko” auzietara joan, hurrengo urtean, Discovery Channel taldearekin, Frantziako Tourrean parte hartu ahal izan zuen. Baita irabazi ere.

Bere berezitasun onena, mendateak igotzea da, hau da, eskalatzailea da. Nahiz eta erlojupekoan ere ondo moldatzen den txirrindularia izan.